Bayung Banwa, antimo kanita

2023 ing bayung banwa. Agana ku pa, anyang 1973, makanyan mu naman, daratang keng lub ku.

2022 migbalik la deng Marcos keng pamanyambut ng Bongbong Marcos keng eleksyon anyang Mayo. Ausen de ing bayung administrasyon na Marcos II. I tata na (Ferdinand E. Marcos) me-elect ya anyang 1965, at me-re-elect ya anyang 1969, at keng 1973 dapat mayari ya ang mapaglukluk na bilang presidente ning Pilipinas. Oneng, dinekler ne ing Martial Law, Setyembre 21,1972, sinuspende at pelitan ne ing konstitusyon, sera ne ing senado at kongreso, pepakulung no deng oposisyon ampung aktibista, kebit ne ing balen kareng militar, kayapin menimuno yang diktador hanggang mepatalsik la deng Marcos king Malacanang anyang Pebrero 1986 dulot na ning pamag-alsa da deng tau king EDSA.

Labing-limang banwa na ing milabas. Keng daratang a Febrero 2023, mika a madagul a reunyon kaming mikaklase keng hayskul, JASHS (Jose Abad Santos High School) batch 1973. Miyakit-akit at miyabe-abe kaming muli. Sabi da pin, antimo kanita. Anggang masaket at eme a piyo ing panaun kanita, masaya kami, at gewan ing buri ming gawan. Dakal a kwentu. Masanting lang balikan at maistorya la para ali la makalingwan.

Ila deng titipunan kong ikwento kekayu keng Blog ayni.

JASHS'73@50 "Aganaka yu pa?"

9/25/2022

Ang daratang a bayung banwa (2023), ya ing gintong anibersaryo ning kekaming batch 73 ning Jose Abad Santos High School (JASHS). ( Binalik de keng dating lagyu na ning hayskul mi a Pampanga High School).

Dakal nung milabas a reunyon deng JASHS '73. Uling deng batch mi mikakalugud la anyang haykul ke pa, anggang dakal a banwang milabas, antimo mong alang pilatan, ing turing mi keng bawat metung antimo mikakapatad at misisiping bale. Alang matas a puluk. Anti mo ning dati.

Kareng milabas a reunyon, dakal letratong kinangwa pero ditak o alamang migsulat o migpost kareng masaya at masanting kwentu na ning reunyon. Anyapin deng kabatch a mekatagun o emekatuki ala lang abasang kwento.

Kaya pin ing blog ko keng bulungbale (homepage) ku keng Kapampangan yang gawan keng bangan ampung baul kareng keka tamung istoryang masanting, makatula, makatabang pusu, ampung makalugud keng bawat metung.

Anyang mig-reunyon kami king San Diego, atin ku pa lang a sulat a dyornal. Buri keng i-share uli.

Dyornal ning Reunion Day One, Mag-umpisa Pa

By MC Canlas on Monday, July 18, 2011 at 6:44 AM

Day One Mag-umpisa pa Sasabyan da deng matwa Patse atin piyesta Ebaleng mapagal Ekasa makukurilyo Kareng tau mu Basta mabse la deng dinatang Manawa at miyablasan ngan, Ustung alas diyes, dinatang ya ing caretaker ning indam a Social Hall Memye yang instruksyon, binuklat ne ing pasbol Anggang alas 11 ning bengi kanu ing reservation Pero by that time dapat malinis ya ing buong hall Kening reunion, time is gold, every moment counts, Agad-agad ginalo la deng klasmeyts Gewa da ing lub da Saup-saup geyak ya ing hall Mingabit banners at posters Inayus la deng la mesa ampung luklukan Inareglo la deng regalo, gifts, at souvenirs Atin mig-asikaso ketang kusina at karetang pamangan Mengataranta la di Ed, MC, at Pal ketang ayusan dang mike at sounds Kasi gugulisak ne I Lou “Ot alang music…balumu ati ta punenarya” Wapin naman, dapat ma create ne ing mood ning reunion anggang keng first hour pa Alang patad kwentuhan, Kumustahan, balitaan anggang sasaup manayos kening hall Anggang ala pang sounds Mainge at mangaklak ka keng sigla da, Keng tula at sagakgakan Balamu anyang hayskul la patse memawala ya i Mr. Amorao (SLN) O kaya bigla yang dinatang I Mr. Regala (SLN) Ala yang agawa ing annex –prinsipal a Ms, Sawal. Dinatang at inapag da na pamangan Ing programa epa megumpisa Eya kasi maayus-ayos itang itang TV, mike, karaoke, computer etc… Nanu pata, mig-invocation na, ing mig-lead i Pastor Leo Gewa da na ing lub da deng klasmeyts Migpila na keng manyaman a pamangan Ating okoy, fried chicken, pinakbet, menudo, Pero ing peniglo itang mustasa ampong buru Menintun lang pritong asan Atin naman sinantan, Kakanin, maja blanca, leche plan, Prutas, bagok at mangga, Karakal ing handa ra Alang tutuknan mamangan Anggang megumpisa ne ning programa. Bawat metung, in alpabethical order, tinikdo keng harap Migsalita ketang pamanyatang da Pekilala de ing sarili at pamilya da Ating makatula, Ating makapakyak, Ating makahanga Ating makataba puso Ating makalunos rugo Ating marine magsalita Ating ebisang tuknang magsalita Masanting ngan Bawat metung tune lang makiramdam. Bawat metung tinanggap lang reunion gifts and souvenirs Bawat metung mimie lugud at kayang lub Alang migbanggit a section anyang hayskul Metung tamu ngan penimulan Metung tamu turingan – 1973 JASHSIANs Keng reunion miyakit-akit, miyabe-abe, mebuo ya Na metung tamung pamilya Ining aldo ya pin ini Coming Together Reaching out to all our classmates… Here, there and everywhere… To be together again in 2013. Pasakalye ya ini Ating parlor game (banana eating) Ating line dancing at terakan Dakal ing kodakan Dakal ing kwentuhan Dakal ing biruan Dakal ing tawanan Balamu alang katapusan Ing kekatamung Day One Mikit tapa naman.

Amanung Sisuan keng Bulungbale (Homepage)

Oyni pu ing bayung blog tamu keng Kapampangan. Kawangis ning dati kung Blog awsan keng O’kaka O’kaka, Kapampangan Blog keni keng Bulungbale (homepage) ini uling ya in minuna kung kantang abalu ku anyang malati ku pa king San Fernando,Pampanga. Daramdaman ku kanita ing aus kareng matwa, Kaka, mamamie galang. Ing buri ku king blog ayni, maging yan daluyan ne ning kabalwang Kapampangan. Dakal tamu dapat misabyan at isulat para abalu da naman deng kawangis tamung Kapampangan.

Anyapin po, tau ku po, malaus kayo.

Atlu pu deng amanu keng bulungbale tamu: Inglis, Tagalog, ampong Kapampangan.

Obat mo atlu pang amanu?

Mumuna, ing Ingles a amanu keng sablang tau keng kalibutan. Makatuknan na ku keni Amerika. Dakal lang biyasang mamasa at mag amanung keng Ingles. Ing Tagalog naman ya awsan tamung amanung kabelanang Pilipinas (Wikang Pambansa). Angga ngeni susulung taya pa amanung Pilipino.

Ing amanung sisuan ing Kapampangan. Ing Ingles ning sisuan ay breastfed kaya pin ing amanung sisuan ing kabaldugan na keng Ingles breastfed language. Obat kaya yang apili da deng matwa tamu keng Kapampangan?

Ing balu ku keng amanu ini ing sasabyan. O keng Ingles oral o verbal communication. Anyapin rugu ang amanu ela dakal mamasang Kapampangan. Ditak lang mamasang Kapampangan uling ditak la naman deng susulat keng amanung sisuan.

Nung deng ingles atin lang ausan 'mother tongue', deng Tagalog /Filipino atin lang "Inang Wika' itamu ating tamung Amanung Sisuan. Uling siguro, kang ima tamu ngan sinuso. Nanu pa ta. Masanting yang damdaman ing amanung sisuan.

Para kekatamu ya ing amanung sisuan. Antimo ali tamu miyayalwa keng bulungbale tamu ini. Anyapin ing masanting a amanu keng Kapampangan KEKAKU KAKUKA.